LatiF vS eDa (2005)

Laju-laju kapal Entulu,

Alah laban kapal Saba,

Taja ngelaban nuan sulu,

Tang alah laban Dara Tada.

Aku nebang batang berlubang,

Pun tumbang ujung kelayang,

Amat ngelaban nuan tu Umang,

Enda telaban ke Bujang Maong.

Nuan ngemai aku bertunang,

Sangka aku betundi diri,

Anang irau nuan bujang,

Nuan siku dalam ati.

Orang ke ulu aku ke ili,

Taja petang enda berlampu,

Ka ku mai nuan bersulu,

Takut nuan dah bisi orang ngempu.

Ari Kanowit ka ke Sibu,

Ngena bas pukul satu,

Enti nuan mai besulu,

Nama dianti aram bepadu.

Alang-alang mandi ba dulang,

Nyamai agi mandi ba pendai,

Alang-alang tua bertunang,

Nyamai agi jadi sekali.

Nuan nebang batang berlubang,

Dikena mansuh perut lelabi,

Nadai salah nya wai bujang,

Enti nuan mai aku jadi.

Buah getah labuh ke tanah,

Kerup-kerup empa babi,

Apai enda nyagi indai enda ngasuh,

Manah tua betaban lari.

Tusah amai bakatu ambai,

Laban nuan mai betaban lari,

Ari ingkar jaku apai indai,

Manah aku munuh diri.

Pun tubai pun dabai,

Ditanam indai bela begulai,

Enti ku para entak ke tambai,

Jalai ku pulai ngambi nuan ambai.

Aku agai Pulau Teresang,

Ngena perau apai Kedat,

Nama dianti nuan wai bujang,

Ngambi aku nitih ke adat.

Anak tupai main gagai,

Main gagai ba pucuk rembai,

Enti jaku nuan nya amai,

Sapa ke ngugi sapa ke nguai?

Anang tusah meh nuan ambai,

Jaku aku sigi amai,

Dara Tada anak asi,

Sigi enda disagi nguai.

Ka ku bmai tanah sberai,

Peda ku rumut panjai amai,

Nama runding tua deh wai,

Enti apai indai tua bela enggai?

Ari petang enda belampu,

Tucur ku lampu enggai nyadi idup,

Kapa kiruh ke jaku sida,

Ukai sida ngempu pengidup.

++ Wahahaha.... Aku menang akhirnya. Latif tewas... Masa tu tua ya sigi betundi diri. Adai pengawa ++

*** Green : Latif

Purple : Eda

*Life Is Only Traveled Once. Today's moment Becomes Tomorrow Memory. So Enjoy Every Moment Good Or Bad Because The Gift Of Life Is Life Itself...*